ಎ ವಿ ಜಿಯ ಜ್ಞಾನ ಸಂಚಯದಿಂದ: ವಿಜ್ಞಾನ ಸಂಬಂಧಿತ ಸರಳ ಚಟುವಟಿಕೆಗಳು

14 March 2012

ವಿಜ್ಞಾನ ಸಂಬಂಧಿತ ಸರಳ ಚಟುವಟಿಕೆಗಳು - ೬೭

ಮೋಂಬತ್ತಿಯ ತೂಗುತೊಲೆಯಾಟ (ಕ್ಯಾಂಡಲ್ ಸೀ-ಸಾ)

ಅಳತೆಪಟ್ಟಿಯೊಂದನ್ನು ನೇತುಹಾಕಿದಾಗ ಅದು ತನ್ನ ಸಮತೋಲವನ್ನು ಕಾಯ್ದುಕೊಳ್ಳಬೇಕಾದರೆ ಪಾಲಿಸಲೇಬೇಕಾದ ಷರತ್ತುಗಳು ಯಾವುವು ಎಂಬುದನ್ನು ನೀವು ವಿಜ್ಞಾನ ಸಂಬಂಧಿತ ಸರಳ ಚಟುವಟಿಕೆಗಳು – ೬೫ ಮುಖೇನ ನೀವು ಅರ್ಥಮಾಡಿಕೊಂಡಿದ್ದೀರಿ. ಅಂದಮೇಲೆ, ಈ ಮುಂದಿನ ಚಟುವಟಿಕೆಯಲ್ಲಿ ಜರಗುವ ವಿದ್ಯಮಾನದ ಕಾರಣವನ್ನು ವಿವರಿಸುವುದು ನಿಮಗೆ ಕಷ್ಟವಾಗಲಾರದು --

ಎರಡೂ ತುದಿಗಳಲ್ಲಿ ಬತ್ತಿ ಕಾಣುವಂತೆ ಮೋಂಬತ್ತಿಯೊಂದನ್ನು ಸಜ್ಜುಗೊಳಿಸಿ. ದಾರದ ನೆರವಿನಿಂದ ಅದರ ಗುರುತ್ವ ಕೇಂದ್ರ ಇರುವ ತಾಣ ಪತ್ತೆಹಚ್ಚಿ (ಚಿತ್ರ ೧).

ಸರಿಸುಮಾರಾಗಿ ಗುರುತ್ವಕೇಂದ್ರ ಮೂಲಕ ಹಾದುಹೋಗುವಂತೆ ಮೋಂಬತ್ತಿಯ ುದ್ದನೆಯ ಅಕ್ಷಕ್ಕೆ ಲಂಬವಾಗಿ ದೊಡ್ಡ ಸೂಜಿಯೊಂದನ್ನು ತೂರಿಸಿ (ಚಿತ್ರ ೨, ಸೂಜಿಯನ್ನು ತುಸು ಬಿಸಿ ಮಾಡಿದರೆ ಈ ಕಾರ್ಯ ಸುಲಭ).